नेपाल पत्रकार महासङ्घका पूर्वपदाधिकारीले पत्रकार पक्राउको विरोधमा शनिबार मौन धर्ना दिने
फागुन २१ मा हुने निर्वाचनको लागि परिचालन गर्ने निर्वाचन प्रहरीको लागि आज अन्तिम दिन आवेदन लिइँदै
वि.सं.२०८२ माघ १ बिहीवार १६:१५
2.08K
shares
shares
काठमाडौँ । फागुन २१ मा हुने निर्वाचनको लागि परिचालन गर्ने निर्वाचन प्रहरीको लागि आज अन्तिम दिन आवेदन लिइँदैछ । प्रहरी प्रधान कार्यालयले प्रकाशन गरेको सूचना अनुसार बिहीबार साँझ ५ बजेसम्म आवेदन लिने भनिए पनि केही जिल्लामा आवेदन समय बिस्तार गरिएको छ ।
जिल्ला प्रशासन कार्यालय कास्की र स्याङ्जाले थप दुई दिन आवेदन लिने समय थप गरेर सूचना प्रकाशन गरेका छन् । जिल्ला प्रशासन कार्यालय कास्कीका अनुसार कास्की जिल्लालाई आवश्यक पर्नेभन्दा कम आवेदन परेको हुनाले गृह मन्त्रालयको निर्देशन अनुसार माघ ३ गतेसम्म आवेदन लिने समय थप गरिएको छ ।
त्यस्तै, निर्वाचन प्रहरीमा आवेदन दिने समय २ दिन थप गरिएको जिल्ला प्रहरी कार्यालय स्याङ्जाका इन्स्पेक्टर कमल नेपालीले जानकारी दिए ।प्रहरी प्रवक्ता अविनारायण काफ्लेका अनुसार अहिलेसम्म १ लाख ६० हजारले निर्वाचन प्रहरीमा भर्नाको लागि आवेदन दिएका छन् । काफ्लेले भने- ‘आज पनि आवेदन दिने क्रम चलिरहेको छ, हामीले २ लाख बढी आवेदन पर्ने आकलन गरेका छौँ ।’
प्रहरीले १ लाख ३३ हजार ९८० जना र सशस्त्रले १५ हजार ११० जना निर्वाचन प्रहरी भर्ना लिँदैछ ।
