२०८२ भाद्र २३ गते भएको जेनजीहरुको विरोध प्रदर्शन र त्यही प्रदर्शनमा भएको दमनको...

पुरा पढ्नुहाेस्

linktrix Long Ad
Salt Trading Long Ad

स्ट्रेट अफ हर्मुज छिटै खुल्छ :अमेरिकी राष्ट्रपति ट्रम्प

2.42K
shares

अमेरिकी राष्ट्रपति डोनाल्ड ट्रम्पले इरानसँगको जारी तनावका बीच ‘स्ट्रेट अफ हर्मुज’ छिट्टै खुल्ने दाबी गरेका छन्।

आफ्नो सामाजिक सञ्जाल ‘ट्रुथ सोसल’मा एक पोस्ट गर्दै ट्रम्पले अमेरिकाले इरानको नौसेना र वायुसेना लगायतका सम्पूर्ण सैन्य संयन्त्रलाई ध्वस्त पारेको समेत दाबी गरेका छन्।इरानसँगको दुई हप्ताको ससर्त युद्धविरामको सन्दर्भ जोड्दै ट्रम्पले भनेका छन्, ‘यदि स्ट्रेट अफ हर्मुज पुन: खोल्न सहमत हुन्छ भने म बमबारी रोक्न तयार छु।’ उनले खाली तेल ट्याङ्करहरू अमेरिकी तेल लिनका लागि अगाडि बढिरहेको समेत बताएका छन्।

गत फेब्रुअरी २८ मा अमेरिका र इजरायलले इरानमाथि आक्रमण गरेपछि इरानले यो रणनीतिक समुद्री मार्ग बन्द गरेको थियो।विश्वको कुल तेल र तरल प्राकृतिक ग्यास आपूर्तिको करिब २० प्रतिशत हिस्सा यही मार्ग भएर जान्छ।यसैबीच, पाकिस्तानको इस्लामाबादमा अमेरिका र इरानका प्रतिनिधिमण्डलबीच शान्ति वार्ता भएको छ। इरानी विदेश मन्त्रालयका प्रवक्ता इस्माइल बाकाईले वार्तामा स्ट्रेट अफ हर्मुज, इरानको आणविक कार्यक्रम, प्रतिबन्धहरू हटाउने, युद्धको क्षतिपूर्ति र यस क्षेत्रमा जारी युद्धको पूर्ण अन्त्यका विषयमा विस्तृत छलफल भइरहेको जानकारी दिएका छन्।

बाकाईले सामाजिक सञ्जाल ‘एक्स’ मार्फत वार्ताको सफलता अमेरिकाको गम्भीरता र इरानको वैध अधिकार तथा हितको स्वीकारोक्तिमा निर्भर रहने बताएका छन्।

sapta chakra spa
below next and prev inner page
below international hompage
below entertainmnet insurance
napali patro below sports