एमालेले फिर्ता गर्यो भीआईपी स्वास्थ उपचारको साढे तीन करोड
सार्वजनिक यातायातमा विद्यार्थीलाई ४५ प्रतिशत भाडा छुट दिन सरकारको निर्देशन
वि.सं.२०८३ वैशाख ९ बुधवार १३:०१
754
shares
shares
काठमाडौँ । सार्वजनिक यातायातमा विद्यार्थीहरूलाई सरकारले ४५ प्रतिशत भाडा छुट दिन निर्देशन दिएको छ । सार्वजनिक यातायामा विद्यार्थीलाई कानुन बमोजिम प्रदान गरिँदै आएको ४५ प्रतिशत सुविधालाई अनिवार्य रूपमा कार्यान्वयन गर्न निर्देशन व्यवसायीहरुलाई दिएको हो।
विभागका अनुसार २०६५ फागुन २० गते सरकार र यातायात व्यवसायीबिच भएको निर्णय बमोजिम विद्यार्थीहरूले सवारी भाडामा ४५ प्रतिशत सहुलियत पाउने व्यवस्था छ। तर, पछिल्लो समय सार्वजनिक सवारी साधनहरूले विद्यार्थीलाई सो बमोजिमको छुट नदिएको भन्दै ‘हेलो सरकार’ र विभागको गुनासो पेटिकामा व्यापक उजुरीहरू प्राप्त भएपछि विभागले पुनः ताकेता गरेको हो।
यस विषयमा यातायात विभागका निर्देशक गणेशमान सिं राईद्वारा जारी पत्रमा नेपाल यातायात व्यवसायी राष्ट्रिय महासंघ, सार्वजनिक यातायात केन्द्रीय महासंघ र साझा यातायातलाई सम्बोधन गर्दै विद्यार्थी सहुलियत सुविधा प्रभावकारी रूपमा कार्यान्वयन गर्न अनुरोध गरिएको छ।
भौतिक पूर्वाधार तथा यातायात मन्त्रालय अन्तर्गतको यातायात व्यवस्था विभागले यातायात व्यवसायीलाई पत्राचार सार्वजनिक यातायातमा विद्यार्थीहरूलाई सरकारले तोके बमोजिम ४५ प्रतिशत भाडा छुट दिन निर्देशन दिएको हो ।साथै सरकारले तोकेको यो सहुलियत कार्यान्वयन नगर्ने सवारी साधनलाई कारबाहीको दायरामा ल्याइने समेत विभागले जनाएको छ।
