निजी शिक्षण संस्था र स्वास्थ्य संस्थामा ३ प्रतिशत कर संविधान विपरित

गत फागुन २१ गते सम्पन्न भएको संघीय संसद प्रतिनिधिसभाको निर्वाचनमा झण्डै दुई तिहाई...

Abhiyan Weekly

लगातार अवरूद्ध हँदै आएको प्रतिनिधिसभाको बैठक आजपनि बस्दै भारतीय प्रधानमन्त्री मोदीले तोडे सबै भन्दा लामो समय सम्म भारतको प्रधानमन्त्री रहेका नेहरूको रेकर्ड कस्तो रहला आज बुधवारको मौसम : सातै प्रदेशमा बर्षाको सम्भावना यस्तो छ आज बुधवारका लागि तोकिएको विदेशी मुद्राको विनिमय दर दिल्लिस्थित इन्द्रप्रस्थ हस्पिटल र प्रभु बैक बीच विषेश छुट समबन्धी सम्झौता अदालतको आदेश विपरित सरकारले नियामावली संशोधनबाट खारेज गर्यो ट्रेड युनियन विपक्षीदलहरूको अवरोधका कारण राष्ट्रिय सभाको बैठक स्थगित विपक्षी दलहरूको संसद अवरोध आज पनि जारी सुन चाँदीको मूल्य बढ्यो, कतिमा हुदैछ कारोवार ? गृहमन्त्रीमा सुधन गुरुङ पुनः नियुक्त मन्त्रिपरिषद्को बैठकको विभिन्न ४ वटा निर्णय संसदमा विपक्षीदलहरूको अडान कायमै प्रधानमन्त्रीले संसदमै जवाफ दिनु पर्दछ

प्रधानमन्त्रीको व्यवहारप्रति रास्वपाको धारणा के ?

Abhiyan Weekly

वि.सं.२०८३ जेठ ७ बिहीवार १२:४३

1.64K
shares

काठमाडौ । बलियो सकरार गठन हुँदा धेरै आशाका साथै केही आशंका पनि रहन्छन् । यस अर्थमा पनि सरकारले आफूले बाचा गरेको अनुसारका काम गर्न सहज हन्छ, नतिजा निकाल्न बाध्यता हुन्छ । आशंका यस अर्थमा हन्छन् की ? सरकारले संविधान ऐन कानून, विधि, प्रक्रिया, परम्परा र सन्तुलन भत्काउने भय रहन्छ । प्रधानमन्त्री बालेन साहका पछिल्ला गतिविधिहरुले यस्तै प्रवृत्तितर्फ धकेलिरहेको देखिन्छ ।
सरकारका केही कामहरुको प्रशंसा भई रहेको भएपनि प्रधानमन्त्री साहको संसद प्रतिको व्यवहार भने यति बेला आलोचित भइरहेको छ । संविधानको धारा ७६ को १० ले प्रधानमन्त्री र मन्त्रीहरु संसदप्रति उत्तरदायी हनुपर्ने भनेको छ । तर, प्रधानमन्त्री साहले भने संसदमा उपस्थित भएर सांसदले उठाएका प्रश्नहरुको जवाफ दिन अभिरुची देखाएका छैनन् । आफूलाई निर्वाचित गर्ने सदनप्रति प्रधानमन्त्री साहले देखाएको व्यवहारलाई कुनै सर्तमा पनि उचित मान्न सकिँदैन ।
बालेन साह प्रधानमन्त्रीमा नियुक्त भएको झण्डै दुई महिना पुग्न लागेको छ । उनी चैत्र १३ गते प्रधानमन्त्रीमा नियुक्त भएका थिए । आफूलाई निर्वाचित गर्ने संसदलाई उनले आजसम्म सम्वोधन गरेका छैनन् । आफूलाई प्रधानमन्त्री बनाउने जनता र जनताको प्रतिनिधित्व गर्ने संसदलाई धन्यवाद समेत दिएका छैनन् । वैशाख २८ गते प्रधानमन्त्री साहले देखाएको व्यवहारको आलोचना भइरहेको छ । त्यसदिन उनले आफ्ना नीति तथा कार्यक्रम राष्ट्रपतिलाई वाचन गर्न दिएका थिए ।
राष्ट्रपतिले सरकारको नीति तथा कार्यक्रम वाचन गर्दागर्दै प्रधानमन्त्री साह भने संसदबाट बाहिरिए । सरकारको नीति तथा कार्यक्रममा उठेका प्रश्नहरुको जवाफ प्रधानमन्त्रीले दिने परम्परा रहि आएकोमा उनले उत्तर दिन सकेन । इन्कार गरेर आफ्नो नीति तथा कार्यक्रमलाई अस्वीकार गरेको हो कि भन्ने प्रश्न समेत उठेको छ ।
बलियो सरकारले विधि बसाल्ने हो भने सांसदको मर्यादा उकास्ने हो । लोकतन्त्र भनेको सामूहिकताको अवधारणा हो । राष्ट्रपति व्यवस्थापिका तथा न्यायपालिकाको मर्यादा र गरिमालाई कमजोर तुल्याएर प्रधानमन्त्री मात्रै सम्मानित भएर बसिरहनु सम्भव हुँदैन । रास्वपाले यस विषयलाई प्रष्ट पार्नु पर्दछ । रास्वपा नेतृत्वको बालेन सरकारको काम गराइले त्यसको जस अपजसको भारी रास्वपाले नै बोक्नुपर्ने हुन्छ । त्यही कारण सरकारलाई ठीक बाटोमा हिँडाउने काम रास्वपाकै हो । यदि त्यसो हुँदैन भने रास्वपाले सरकारको जिम्मेवारी लिन सकिँदैन ।

प्रकाशित मिति / समय : वि.सं.२०८३ जेठ ७ बिहीवार १२:४३