थुन्ने अनि सुन्ने प्रवृत्तिको अन्त्य हुनैपर्दछ

सरकारले अपवादका लागि पाएको सुविधालाई दुरुपयोग गर्दै जब नियमित बनाइन्छ त्यसले कति सम्म...

Abhiyan Weekly

नेपालले युएईलाई ३७ रनले हरायो गैरीगाउँको सुकुम्बासी बस्ती पनि हटाउन सुरू खाली गरियो थापाथलीको सुकुम्बासी बस्ती सुकुम्बासी बस्तीमा वास्तविक सुकुम्बासी फेला परेनन : नगर प्रहरी यी हुन सुकुम्बासीका लागि तोकिएका अस्थायी बसोवास गर्ने ठाउँहरू सुकुम्बासी बस्तीमा चल्यो डोजर निजामती विधेयकको मस्यौदा सार्वजनिक : दुईको कुलिङ पिरियड राजनीतिक दलको सदस्यता लिन नपाइने, कर्मचारी सङ्गठन... राप्रपाका वरिष्ठ उपाध्यक्ष एवम् पूर्वमन्त्री पाण्डे पक्राउ यस्तो छ आज शनिबारका लागि तोकिएको विदेशी मुद्राको विनिमय दर कस्तो रहला आज शनिबारको मौसम ? सुकुम्बासी बस्ती हटाउन ठूलो संख्यामा प्रहरी परिचालन बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस

स्थानीय तहको निर्वाचनले संघीय संसदको झल्को दिने

Abhiyan Weekly

वि.सं.२०७८ माघ २८ शुक्रवार १०:२३

403
shares

काठमाडौ । नेपाल सरकारले २०७९ वैशाख ३० गते एकै चरणमा स्थानीय तहका निर्वाचन गराउने घोषणा गरेपछि राजनीतिक दलहरु आ आफ्नो पक्षमा नतिजा पार्न जोड घटाउमा लागेका छन् । निकै लामो छलफल र बहसपछि सरकारले स्थानीय तहको निर्वाचनको घोषणा माघ २४ गते गरेको थियो । सत्ता गठबन्धनभित्र केही दलहरुले निर्वाचन पछि सार्न दिएको दबाबलाई वेवास्ता गर्दै प्रधानमन्त्री देउवा निर्वाचनको मिति घोषणा गर्न सफल भएका छन् ।
२०७४ मा भएको स्थानीय तहको निर्वाचनमा नेकपा एमालेले ७५३ तहमध्येमा २९७ स्थानमा जित हाँसिल गरेको थियो । त्यसैगरी नेपाली कांग्रेसले २७४ माओवादी केन्द्रले १०६ र अन्यले ७६ स्थानमा जित हाँसिल गरेका थिए । ७५३ पालिका मध्ये गाउँपालिका ४६० र २९३ वटा नगरपालिका रहेका छन् । मुलुकभरमा ६७४३ वटा वडा रहेका छन् । २०७४ को स्थानीय तहको निर्वाचनमा देशभरी गरेर जम्मा ३५०४१ पदाधिकारी मध्ये नेकपा एमालेले १४०९९ अर्थात ४०.२४ प्रतिशत, नेपाली कांग्रेसले ११४५६ अर्थात ३२.९६ र नेकपा माओवादीले ५४४१ अर्थात १५.५३ प्रतिशतमा जित हाँसिल गरेको थियो । मुलुकका यी तीन राजनीतिक दलहरु नै प्रमुख दलहरु भएका हुनाले २०७९ वैशाखमा हुने स्थानीय तहको निर्वाचनमा यिनीहरुकै बोलवाल रहने प्रायः निश्चित रहेको छ ।
पछिल्लो राजनीतिक अवस्थामा २०७९ बैशाख ३० गते हुने स्थानीय तहको निर्वाचनमा केही फेरबदल हुन सक्ने सम्भावना देखिएको छ । पाँच दलीय गठबन्धन कुन रुपमा निर्वाचन जान्छ त्यसले पनि परिणामलाई तलमाथि पार्न सक्छ । नेकपा एमाले विभाजन भएको र नेकपा एमाले र नेकपा एकीकृत समाजवादी पार्टीको जनाधार एउटै भएकाले समाजवादी पार्टीले चुनाव नजिते पनि नेकपा एमालेलाई हराउन सक्छ । माओवादी केन्द्रका केही प्रभावशाली नेताहरु नेकपा एमालेमा प्रवेश गरेका हुनाले नेकपा एमालेलाई केही राहत मिल्न सक्ने सम्भावना समेत देखिएको छ ।
नेपाली कांग्रेसले अहिलेको गठबन्धनलाई कायम गरेर निर्वाचनमा भएको खण्डमा सबै भन्दा बढी घाटा नेपाली कांग्रेसलाई नै हुने निश्चित जस्तै देखिएको छ । त्यसमा पनि एमसीसीको विषयले राजनीतिक दलहरुलाई प्रभाव पार्न सक्ने सम्भावना समेत देखिएको छ । जनताले एमसीसीको विरोध गरिरहेका हुनाले एमसीसी पक्षधहरुको पराजय हुने निश्चित भएपनि स्थानीय तहमा त्यसले ठुलो असर पार्न नसक्ने ठहर राजनीतिक दलहरुले गरेका छन् । स्थानीय तहको निर्वाचनको परिणामले संसदीय चुनावको आंकलन गर्न सकिन्छ ।

प्रकाशित मिति / समय : वि.सं.२०७८ माघ २८ शुक्रवार १०:२३