नेपाल पत्रकार महासङ्घका पूर्वपदाधिकारीले पत्रकार पक्राउको विरोधमा शनिबार मौन धर्ना दिने
नेपाल पत्रकार महासङ्घका पूर्वपदाधिकारीले पत्रकार पक्राउको विरोधमा शनिबार मौन धर्ना दिने
वि.सं.२०८३ कात्तिक १३ शुक्रवार १९:५३
130
shares
shares
काठमाडौँ। पत्रकार पक्राउ तथा सञ्चारगृहमा प्रहरी प्रवेश गरेर धरपकड गरिएको विरोधमा नेपाल पत्रकार महासङ्घका पूर्वपदाधिकारीहरूले शनिबार काठमाडौँको माइतीघर मण्डलामा मौन धर्ना दिने भएका छन् ।
महासङ्घका पूर्वपदाधिकारीहरूले शुक्रबार विज्ञप्ति जारी गर्दै शनिबार बिहान ८ देखि ९ बजेसम्म मौन धर्ना आयोजना गर्ने जनाएका हुन् ।उनीहरूले समाचार कक्षमै प्रवेश गरेर पत्रकार पक्राउ गर्ने र सञ्चारमाध्यममा त्रास सिर्जना गर्ने कार्यलाई प्रेस तथा अभिव्यक्ति स्वतन्त्रतामाथिको प्रत्यक्ष हस्तक्षेप भन्दै आपत्ति जनाएका छन् ।
पक्राउ परेका पत्रकारलाई तत्काल रिहा गर्न र सञ्चार जगतलाई आतङ्कित बनाउने कार्य बन्द गर्न माग गर्दै उनीहरूले पत्रकार, नागरिक समाज, मानवअधिकारकर्मी तथा प्रेस स्वतन्त्रताका पक्षधरलाई धर्नामा सहभागी हुन आह्वान गरेका छन् ।
