एउटै मञ्चमा आज पहिलो पटक बालेन, रवि र गगन
माधव नेपाल पक्षको सुनुवाइ स्थगितको माग सर्वोच्चले गर्यो अस्वीकार
वि.सं.२०७८ चैत २० आइतवार १२:५४
559
shares
shares
काठमाडौं ।माधवकुमार नेपाल सहित १४ जना सांसदलाई पदमुक्त गर्नुपर्ने माग सहित नेकपा एमालेले दिएको रिटमा आइतबार सर्वोच्च अदालतमा सुनुवाइ हुँदैछ ।
माधव नेपाल सहितका सांसदको पक्ष बाट उक्त रिट माथिको सुनुवाइ रोक्न दिइएको निवेदन न्यायाधीशहरु अनिलकुमार सिन्हा र नहकुल सुवेदीले अस्वीकार गरेको छ । माधवकुमार नेपाल सहितका सांसदको तर्फ बाट आइतबारको सुनुवाइ रोक्न माग गर्दै अमर राउतले इजलास समक्ष निवेदन दिएका थिए । तर सो निवेदनको आधारमा इजलासले सुनुवाइ रोक्न अस्वीकार गरेको एक कानुन व्यवसायीले जानकारी दिए । न्यायायाधीश सिन्हा र नहकुल सुवेदीको इजलासमा उक्त रिट चौथो नम्बरमा परेको छ ।
यसअघि २९ फागुनमा यस मुद्दा आइतबार पूर्ण सुनुवाइमा पेश गर्ने आदेश भएको थियो । नेकपा एमालेले नेकपा एकीकृत समाजवादी पार्टी गठन नहुँदै माधवकुमार नेपाल सहित १४ सांसदलाई पार्टी बाट निष्कासन गरेको थियो । निष्कासनमा परेका सांसदको सनाखतमा अर्को पार्टी गठन गरिनु र उनीहरुको सांसद पद पनि कायम रहनु गैरकानुनी भन्दै अध्यक्ष केपी शर्मा ओलीले निर्वाचन आयोग र संघीय संसद सचिवालयलाई विपक्षी बनाई रिट दिएका थिए ।
