प्रधानमन्त्री बालेनले राष्ट्रसंघमा उठाए, नेपालका समस्या

२०८२ भाद्र २३ गते भएको जेनजीहरुको विरोध प्रदर्शनमा घुसपैठ गरेर प्रदर्शनलाई उग्र गराएका...

Abhiyan Weekly

स्थानीय निर्वाचन पनि एमालेसँग सहकार्य हुन्छ : पुष्पकमल दाहाल यस्तो छ आज आइतबारका लागि तोकिएको विदेशी मुद्राको विनिमय दर कस्तो रहला आज आइतबारको मौसम : मनसुनी वायुको आंशिक प्रभाव यी प्रदेशमा हल्का वर्षाको सम्भावना नेपाली काँग्रेसको महाधिवेशन आज देखी अब हरेक नागरिकलाई आवासको सुनिश्चितता गरिने छ : प्रधानमन्त्री बालेन वरिष्ठ पत्रकार हरि लम्सालको ७८ वर्षको उमेरमा निधन दशैँतिहार लक्षित काठमाडौंको सुरक्षा ब्यवस्था कडा, ३ हजार ५०६ प्रहरी परिचालन कांग्रेसका ३३ जना निर्वाचित प्रतिनिधिहरूले हस्तक्षेप र गुटबन्दी गरेको भन्दै दिए सामुहिक राजिनामा आजदेखि बीरगंञ्जमा जनमत पार्टीको दोस्रो महाधिवेशन हुने यस्तो छ आज शनिबारका लागि तोकिएको विदेशी मुद्राको विनिमय दर कस्तो रहला आज शनिबारको मौसम : यी प्रदेशमा हल्कादेखी मध्यम बर्षाको सम्भावना दाउन्नेमा ब्रेक फेलभएर बस दुर्घटना हुँदा ४ जनाका निधन ११ जना घाइते

हेटौंडामा आकांक्षी धेरै भएपछि एमालेले उम्मेदवार छनोटको प्रक्रिया पछि सार्‍यो

Abhiyan Weekly

वि.सं.२०७८ चैत २६ शनिवार १६:१६

806
shares

हेटौंडा । हेटौंडा उपमहानगरमा प्रमुख र उपप्रमुखका आकांक्षी धेरै भएपछि नेकपा एमालेले शुक्रबार तय गरेको उम्मेदवार छनोटको प्रक्रिया पछि सारेको छ । मकवानपुरका हेटौंडा उपमहानगरपालिकाबाहेकका एक नगरपालिका र आठ वटा गाउँपालिकामा एमालेले उम्मेदवार छनोट प्रक्रिया सुरु गरिसकेको छ ।

तर हेटौंडामा भने उम्मेदवार छनोट प्रक्रिया आइतबार सम्मका लागि स्थगित गरिएको एमाले मकवानपुरका अध्यक्ष एकलाल श्रेष्ठले बताए । उनका अनुसार उपमहानगरपालिकाको उम्मेदवार छनोट प्रति धेरैको चासो भएकाले सहमतिका लागि आइतबारसम्म प्रक्रिया स्थगित गरिएको हो ।

उपमहानगरपालिकाको मेयर र उपमेयरका लागि एमालेमा नौ जना आकांक्षी देखिएका छन् । संविधान सभा सदस्य अनन्त पौडेल, पार्टीका जिल्ला इन्चार्ज तथा पूर्व जिल्ला विकास सभापति रामेश्वर राना, जिल्ला समन्वय समितिका प्रमुख रघुनाथ खुलाल र वर्तमान मेयर हरिबहादुर महतको दाबी छ । उपमेयरमा सीता विष्ट, सुमित्रा काफ्ले, रमिला सापकोटा, आरती पाठक र प्रतिमा श्रेष्ठले दाबी गर्दै आएका छन् ।

एमालेको चितवन महाधिवेशन पछि मकवानपुरको पार्टी राजनीतिमा संविधान सभा सदस्य पौडेल र जिल्ला समन्वय समिति प्रमुख खुलाल अघि देखिएका छन् । पूर्वमुख्यमन्त्री डोरमणी पौडेल केन्द्रीय नेताको पहुँचमा रहेर आफू निकटका खुलाललाई मेयर बनाउने योजनामा रहेको एमालेका जिल्ला नेताहरु बताउँछन् । तर यही बेला जिल्ला इन्चार्ज रानाले पनि आकांक्षा राखेपछि हेटौंको मेयरको उम्मेदवार छनोट कठिन बनेको छ ।

पार्टी तहमा खासै चर्चामा नरहेपनि अनुभव र सामाजिक भूमिकाका कारण वर्तमान मेयर महतलाई पुनः उम्मेदवारको रुपमा हेरिएको छ । उनले आफ्नो अधुरा कामलाई पूरा गर्नका लागि पुन मेयरमा दावी गर्ने बताएका छन् ।

प्रकाशित मिति / समय : वि.सं.२०७८ चैत २६ शनिवार १६:१६