एउटै मञ्चमा आज पहिलो पटक बालेन, रवि र गगन
शेयर बजार नेप्से परिसूचक ९५ दशमलव ४६ अंकले बढ्यो
वि.सं.२०७९ वैशाख ११ आइतवार १६:४१
572
shares
shares
काठमाडौं । स्थानीय तहको चुनावको प्रभाव शेयर बजारमा देखिन थालेको छ । चुनाव नजिकिदै गर्दा शेयर बजारमा भारी अंकको बृद्धि देखिएको छ । आज शेयर बजार नेप्से परिसूचक ९५ दशमलव ४६ अंकले बढेर २,४२० दशमलव ९१ को विन्दुमा कायम भएको छ । आज १९३ वटा कम्पनीको शेयर मुल्य बढेको छ भने १ वटा कम्पनीको शेयर मुल्य घटेको छ ।
आज सबै उपसूचक बढेका छन् । आज दिनभरिमा २३८ वटा कम्पनीको ६६ लाख ३९ हजार ५०४ कित्ता शेयर किनबेच हुँदा २ अर्ब ५३ करोड १२ लाख ७५ हजार रुपैयाँको शेयर कारोबार भएको छ । आज सबै भन्दा धेरै सानिमा बैंक संस्थापक शेयरको कारोबार भएको छ । आज कम्पनीको संस्थापक शेयर २२ करोड माथिको शेयर कारोबार भएको छ ।
त्यस्तै, शिवम् सिमेन्टको ११ करोड ७६ लाख रुपैयाँको शेयर कारोबार भएको छ । अरुण भ्याली हाइड्रोपावर कम्पनीको ९ करोड १२ लाख रुपैयाँको शेयर कारोबार भएको छ । हिमालयन डिष्टिलरीको ८ करोड ४१ लाख रुपैयाँको शेयर कारोबार भएको छ ।
त्यस्तै, आज ३६ वटा कम्पनीको शेयर मुल्यमा सकारात्मक सर्किट लागेको छ । आज १० वटा कम्पनीको शेयर मुल्य १० प्रतिशतले बढेको छ भने २६ वटा कम्पनीको शेयर मुल्य ९ प्रतिशत भन्दा बढीले बढेको छ । आज अधिकांश कम्पनीका लगानीकर्ताले कमाएका छन् । आज डिवेञ्चर र फण्ड बाहेक सबै कम्पनीका लगानीकर्ताले कमाएका छन् ।
