पूर्वअर्थमन्त्री विष्णु पौडेलको बन्दीप्रत्यक्षीकरणको रिट खारेज
आरजु देउवाको धम्की कांग्रेसले नजितेको ठाउँमा पैसा नपठाउने रे
वि.सं.२०७९ वैशाख २३ शुक्रवार ०८:२९
572
shares
shares
डडेलधुरा ।प्रधानमन्त्री शेरबहादुर देउवाकी पत्नी तथा नेपाली कांग्रेसकी केन्द्रीय सदस्य डा. आरजु राणा देउवाले अत्यन्तै आपत्तिजनक अभिब्यक्ति दिनुभएको छ । पति देउवाको पदको तुजुक देखाउँदै आरजुले आफै प्रधानमन्त्री भएको अनुभुति सहित कांग्रेसले नजितेका स्थानीय तहमा पैसा नपठाउने धम्की दिनुभएको हो । गृहजिल्ला डडेल्धुरामा आज आयोजित चुनावी कार्यक्रममा आरजुले कांग्रेसले मेयर हारेको नगरपालिकामा बजेट नै नपठाउनु उर्दी जारी गर्नुभयो ।
डडेल्धुरामा नेकपा एमाले र नेपाली कांग्रेस (बिपी) तथा नेपाली कांग्रेसका उम्मेदवार बीच प्रतिस्पर्धा हुने देखिएको छ । यही बाट अत्ताल्लिएर आरजले यति निकृष्ट अभिब्यक्ति दिनुभएको हो । ‘जहाँ कांग्रेसको मेयर हुन्न त त्यहाँ हामी किन पैसा पठाउँछौं ? कांग्रेसले मेयर नजितेका ठाउँमा पैसा पठाउँदैनौं, यो कुरा ध्यान दिएर करूवा सरूवा… पार्टीलाई भोट नहाल्नुस,’ आरजुको धम्की थियो ।
कांग्रेस बिपीको चुनाव चिन्ह करूवा छ । कांग्रेस बाट विद्रोह गर्नुभएका पूर्वसभापति कर्ण मल्ल पक्षले डडेल्धुरामा विभिन्न स्थानीय तहमा उम्मेदवारी दिएको छ । मल्ललाई कांग्रेसले कारबाही गरेको थियो । मल्ल पक्षले कांग्रेस बिपीको चिन्ह लिएर एमाले सँग चुनावी तालमेल गरेको छ ।
