सुन तोलामा ६ हजार २ सय रुपैयाँ बढ्यो
काठमाडौं महानगरपालिका वडा न ३२ मा कांग्रेस, माओवादी र एस समाजबादीको गठबन्धन
वि.सं.२०७९ वैशाख २६ सोमवार १५:१०
572
shares
shares
काठमाडौं ।काठमाडौं महानगरपालिकाको वडा नं. ३२ मा सत्ता गठबन्धनका प्रमुख तीन दलले चुनावमा सहकार्य गर्ने निर्णय गरेका छन् । नेपाली कांग्रेस, नेकपा माओवादी केन्द्र र एकीकृत समाजवादीले सहकार्य गर्ने निर्णय गरेका हुन् ।
अब वडाध्यक्षकी उम्मेदवार एकीकृत समाजवादीकी सीता कँडेल पराजुली सत्ता गठबन्धनको आधिकारिक उम्मेदवार बनेकी छन् । त्यस्तै महिला सदस्यकी उम्मेदवार एकीकृत समाजवादीकी सरिता खनाल, खुला सदस्यमा नेपाली कांग्रेसका सुवास रिमाल र रुद्रकुमार लाकौल गठबन्धनको आधिकारिक उम्मेदवार बनेका छन् ।
कांग्रेस वडा सभापति सुभास चन्द्र पराजुली, माओवादी केन्द्रका संयोजक रामसुन्दर श्रेष्ठ र एकीकृत समाजवादीकी वडाध्यक्ष सीता कँडेल (पराजुली)ले चुनावी तालमेल सम्बन्धी प्रतिबद्धतामा सोमबार हस्ताक्षर गरेका छन् ।
‘…यही वैशाख ३० गते सम्पन्न हुन गइरहेको स्थानीय तहको निर्वाचनमा लोकतान्त्रिक आन्दोलन र आन्दोलनका उपलब्धिहरुको रक्षा गर्ने दलहरु बीच केन्द्र देखि स्थानीय तह सम्म गठबन्धन गर्ने सहमति अनुसार हामीले यस वडा नं. ३२ मा सदभावपूर्ण सहकार्यका साथ अगाडि बढ्ने निर्णय गरेका छौं ।’
