प्रतिनिधिसभाबाट आर्थिक विधेयक २०८३ पारित
गोरखामा कांग्रेस कार्यकर्ताले एमालेका कार्यकर्ता माथी गरे आक्रमण, केहि घाइते
वि.सं.२०७९ वैशाख २७ मंगलवार ०७:३६
637
shares
shares
गोरखा ।गोरखाको आरुघाट गाउँपालिका १ मान्बुमा कांग्रेस कार्यकर्ताले एमालेका कार्यकर्ता माथि आक्रमण गरेका छन् । सोमबार राति चुनावी प्रचारप्रसार बाट फर्किँदै गर्दा श्यामचेतमा कांग्रेस टोलीले छेकेर आक्रमण गरेको दाबी गरिएको छ ।
आक्रमण बाट एमालेका गोपाल लामा, बिक्रम लामा, बिर्खे लामा र राजुबहादुर लामा गम्भिर घाइते भएका छन् । ‘दिउँसो धोरतमा कार्यक्रम थियो । त्यहाँ बाट फर्किँदा करिब पौने आठ बजे श्यामचेत आइपुग्दा । त्यहाँ पसल थियो, खाजा खान लाग्दा कांङ्ग्रेसका कार्यकर्ता आएर एक्कासी कुटपिट गरेछन्’, स्थानीय वीरबहादुर लामाले भने ।
कुटपिट बाट घाइते भएका मध्ये दुई जनाको अवस्था गम्वीर छ । ‘विक्रम लामाको एउटा आँखा नै फुटेको छ । अरु साथीहरुका पनि टाउकोमा, शरीरमा घाउहरु धेरै नै छ’, विक्रम गुरुङले भने । आक्रमण गर्ने टोलीले सोमबार दिउँसो पनि कार्यक्रम स्थल जाँदै गर्दा एमालेका कार्यकर्तालाई रोकेर धम्काएको उनी बताउँछन् । कांङ्ग्रेस बाट वडाध्यक्षको उमेदवार गजे घले सूर्यको नेतृत्वको टोलीले आक्रमण गरेको दाबी गरिएको छ ।
