दाङ । नेकपा एसका केन्द्रीय सदस्य एवम् दाङ इन्चार्ज जोगबहादुर रानाले पद बाट राजीनामा दिएका छन् ।
गठबन्धनको तर्फ बाट तुलसीपुर उपमहानगरपालिकाको उपमेयरमा उम्मेदवार बनेका रानाले पराजित हुने निश्चित भएपछि राजीनामाको घोषणा गरेका हुन् । उनले सामाजिक सञ्जाल मार्फत चुनावमा आफूले अपेक्षित भूमिका निर्वाह गर्न नसकेकाले राजीनामा दिएको उल्लेख गरेका छन् ।
उनले मुलुकको भविष्य नेकपा एसमै भएको र आगामी दिनमा नेकपा एसलाई ठुलो पार्टी बनाउन भूमिका खेल्ने समेत उल्लेख गरेका छन् ।
रानाले एमालेका उपमेयरका उम्मेदवार स्यानी चौधरी सँग साढे ८ हजार बढी मतले पराजित हुने निश्चित भइसकेको छ ।
