विष्णु पौडेललाई गैरकानूनी रूपमा थुनामा राखिएको भन्दै सर्बोच्च अदालतमा बन्दी प्रत्यक्षीकरणको रिट दर्ता
सेयर बजारसम्बन्धी नीति ल्याउँदा राष्ट्र बैंकले अर्थ मन्त्रालय मार्फत आन्तरिक समन्वय गर्नुपर्छ : धितोपत्र बोर्ड
वि.सं.२०७९ असार ७ मंगलवार १८:३६
598
shares
shares
काठमाडौं ।धितोपत्र बोर्डका अध्यक्ष रमेशकुमार हमालले सेयर बजार सम्बन्धी नीति ल्याउनु अघि समन्वय गर्नुपर्ने बताएका छन् । लगानीकर्ताको आन्दोलन तथा पूँजी बजारको वर्तमान अवस्थाबारे बोर्डमा मंगलबार आयोजित पत्रकार सम्मेलनमा उनले पूँजी बजार, बीमा लगायतका क्षेत्रलाई प्रभावित हुने नीति एक पक्षीय हुनु नहुने बताए ।
‘कुनै पनि क्षेत्रलाई प्रभावित हुने गरी एक पक्षीय नीति आउनु हुन्न,’ बोर्ड अध्यक्ष हमालले भने, ‘राष्ट्र बैंकले अर्थ मन्त्रालय मार्फत आन्तरिक समन्वय गर्नुपर्छ ।’ वर्तमान अवस्थामा पूँजी बजार घट्नु विश्वभरिको ट्रेन्ड नै भएको भन्दै हमालले नेपालमा भने मौद्रिक नीतिको केही व्यवस्था तर्फ विज्ञहरुले संकेत गरेको बताए ।
‘बजार यो अवस्थामा हुँदा अप्ठ्यारो पर्नु साथीहरुलाई स्वभाविक नै हो । विश्वभरि नै सेयर बजार घटेको छ,’ हमालले भने, ‘ नेपालमो सवालमा मौद्रिक नीतिको ४/१२ को बाध्यता र १५० प्रतिशत ऋणको जोखिम भार पनि भएको विज्ञहरुले बताएका छन् । राष्ट्र बैंकको उक्त नीतिले बजार सेयर बेच्ने दबावमा गएको भन्ने छ ।’
