रविले अब बन्ने नयाँ कार्यसमितिको केन्द्रीय सभापतिका लागि उम्मेदवारी दिए
फेरी पत्रकारले कुटाई खाए, पत्रकार महासंघको बिरोध
वि.सं.२०७९ असार २० सोमवार १५:२३
468
shares
shares
काठमाडौं ।नेपाल प्रहरीका प्रहरी नायव उपरीक्षक रतन खड्काका दाइ बताउने महेश खड्काले पत्रकार माथि कुटपिट गरेका छन् ।
हिजो राति ९ बजे ललितपुरको कुपण्डोल स्थित आर्थिक दैनिकको कार्यालयमा पत्रकार तथा कर्मचारी माथि कुटपिट भएको हो । मादक पदार्थ सेवन गरेका खड्काले कार्यालयमा तोडफोडको प्रयास समेत गरेका थिए । घटना लगत्तै त्यहाँका कर्मचारीले प्रहरीलाई खबर गरेका हुन् ।
पक्राउ परेका खड्कालाई प्रहरीले तत्काल छाडेपछि ध्यानाकर्षण भएको नेपाल पत्रकार महासंघले जनाएको छ । ‘कुनै पनि बहानामा यस किसिमले कुटपिट हुनु र कार्यालय तोडफोडको प्रयास हुनु निन्दनीय हुनुका साथै प्रेसविरोधी काम हो’, महासंघद्वारा जारी विज्ञप्तिमा भनिएको छ ।
महासंघले प्रेसविरोधी यस्ता कार्यमा संलग्न जोसुकैलाई कानूनी दायरामा ल्याउन र पत्रकार तथा सञ्चारमाध्यमलाई सुरक्षाको प्रत्याभूति दिलाउन सम्बन्धित पक्ष सँग माग गरेको छ ।
