एमालेको निष्कर्ष पार्टी उपाध्यक्ष विष्णुप्रसाद पौडेलको पक्राउ गैरन्यायिक
प्रधान सेनापति प्रभुराम शर्मा स्वदेश फिर्ता
वि.सं.२०७९ असार २० सोमवार १६:१८
884
shares
shares
काठमाडौं ।प्रधान सेनापति प्रभुराम शर्मा अमेरिका बाट स्वदेश फर्किएका छन् । नेपाली सेना शान्ति स्थापनार्थ खटिएका विभिन्न द्वन्द्वग्रस्त मुलुक र अमेरिका भ्रमणमा रहेका शर्मा आइतबार स्वदेश फर्किएका हुन् ।
शर्मालाई जंगी अड्डामा बलाधिकृत रथी बालकृष्ण कार्की र रक्षा सचिव किरणराज शर्माले स्वागत गरेका थिए । उनले असार ४ देखि ८ गते सम्म लेबनान, असार ८ देखि ९ गते सम्म सिरिया र त्यसपछि अमेरिका भ्रमण गरेका थिए ।
विभिन्न समयमा हुने उच्चस्तरीय भ्रमणले द्वन्द्वग्रस्त मुलुकहरुमा शान्ति स्थापनार्थ खटिएका नेपाली शानित सैनिकको भूमिका र हौसला अभिवृद्धि हुने नेपाली सेनाले बताएको छ ।
अमेरिकाको भ्रमण बाट नेपाली सेना र अमेरिकी सेना बीच विगत देखि रहँदै आएको आपसी सौहार्दपूर्ण सम्बन्ध सुदृढ हुनुका साथै दुई पक्षीय हित एवं पारस्परिक सम्बन्धलाई सुमधुर बनाउन महत्वपूर्ण सावित सेनाको भनाइ छ ।
