दम्भ र घमण्डले सरकार टिक्ने आधार खल्बलिन सक्छ ?

२०८२ भाद्र २३ गते भएको जेनजीहरुको विरोध प्रदर्शनलाई हाइज्याक गर्नेहरुले नै भाद्र २४...

Abhiyan Weekly

काठमाण्डौ उपत्यकामा आज इन्द्रजात्रा पर्व मनाइँदै कोशी ब्यारेजमा पानीको बहाव बढ्यो, २३ ढोका खोलिए गत भाद्र २३ र २४ गतेको घटनाको छानबीन गर्न एमालेले गर्यो न्यायिक आयोगको माग एमालेमा पूर्व राष्ट्रपति भण्डारी दोस्रो वरियाता क्रममा आज शुक्रवार यी स्थानमा हुन सक्छ अति भारी बर्षा, हावाहुरीको पनि सम्भावना नेपालले विपद्लाई भूराजनितिक प्रत्यारोपको विषय बनाउँदैन : प्रधानमन्त्री बालेन अमेरिकी डलरको मूल्य बढयो : यस्तो छ आज शुक्रवारका लागि तोकिएको विदेशी मुद्राको विनिमय दर न्यायपालिका माथिको प्रहार लोकतन्त्रका लागि घातक : सांसद बराल प्रस्तावित राजदूतहरूको संसदीय सुनुवाई प्रकृया सुरू नेपाल राष्ट्रबैकले आजदेखी चलन चल्तीमा ल्यायो १००० को नोट अमेरिका पुगे चिनियाँ राष्ट्रपति सी, पहिलाको परम्परा तोडदै ट्रम्पले विमानस्थलमै पुगेर गरे स्वागत एमालेको केन्द्रीय कमिटीको बैठकद्धारा अध्यक्ष ओलीको राजनितिक प्रतिवेदन सर्वसम्मत पारित

एकै जिल्ला बाट समानुपातिकमा १५ जना सांसद

Abhiyan Weekly

वि.सं.२०७९ मंसिर २६ सोमवार ०७:३२

845
shares

धनुषा ।मधेश प्रदेशमा एकै जिल्ला बाट संघीय संसद प्रदेश सभामा गरी १५ जना समानुपातिक सांसद चयन भएका छन् । धनुषा बाट प्रतिनिधि सभाका लागि समानुपातिक तर्फ पाँच जना र मधेस प्रदेश सभाका लागि १० जना सांसद छानिएका हुन् । प्रतिनिधि सभाका लागि नेपाली कांग्रेसबाट विमलेन्द्र निधि, मुक्ताकुमारी यादव, एमालेबाट प्रतीक्षा तिवारी मुखिया, राष्ट्रिय स्वतन्त्र पार्टीबाट मनिष झा, जनमत पार्टीबाट अनितादेवी साह समानुपातिक सदस्यमा छनाेट भएका हुन् ।

माओवादी केन्द्र र राष्ट्रिय प्रजातन्त्र पार्टीले भने समानुपातिककाे सूचीमा धनुषा बाट कसैकाे नाम समावेश गरेकाे छैन । नेपाली कांग्रेसका वरिष्ठ नेता विमलेन्द्र निधि पटक पटक प्रतिनिधि सभा सदस्यमा प्रत्यक्ष बाट निर्वाचित भएका थिए । तर यस पटक कांग्रेसले उनलाई समानुपातिक कोटामा राखेको छ ।

यस्तै एमाले बाट समानुपातिककाे सूचीमा पर्नु भएकी मुक्ताकुमारी यादव दोस्रो संविधान सभा चुनावमा नेपाली कांग्रेसबाट मनोनीत भएका थिए । एमालेबाट समानुपातिक सांसद बनेकी प्रतीक्षा तिवारी मुखिया पनि संविधान सभा २ मा माओवादी केन्द्रबाट प्रतिनिधि सभा सदस्य बनेका थिए । माओवादी परित्याग गरेपछि यसपालि उनलाई एमालेले समानुपातिक तर्फबाट प्रतिनिधि सभा सदस्य बनाएको छ ।

मनिष झा र अनिता देवी साह भने पहिलाे पटक सांसद बनेका हुन् । अनिता देवी साह जनकपुरधाममा भएको बमकाण्डमा दोषी देखिएपछि जेल पर्नु भएका पूर्व मन्त्री सञ्जय साह टकलाकी बहिनी हुन् । प्रदेश सभामा समानुपातिकतर्फ कांग्रेसबाट अञ्जना पण्डित, एमालेबाट पलेटीदेवी महरा, पल्टीदेवी यादव, फुलोकुमारी देवी, शिला यादव, नाजिमा खातुन, एकीकृत समाजवादीबाट रत्नेश्वर गोइत यादव, माओवादीबाट शारदा दास पहाडी, सुनिता यादव र जसपाबाट ममता मण्डलकाे नाम पठाइएकाे छ ।

एमालेबाट रघुवीर महासेठ र उनकी पत्नी जुलीकुमारी महतो भने प्रतिनिधि सभामा प्रत्यक्षतर्फबाटै विजयी भइसकेका छन् । महासेठ धनुषा क्षेत्र नम्बर ४ र महतो धनुषा ३ बाट विजयी भएका हुन् । यस्तै, एमालेले प्रदेश सभामा धुनषाबाट एकै पटक पाँच जनालाई सांसद बनाएको छ । धनुषा २ (१) बाट लखन दास, धनुषा ४ (२) बाट हरिनारायण महतो, धनुषा ३ (२) मा दिपेन्द्र ठाकुर, धनुषा १ (२) बाट रामचन्द्र मण्डल विजयी भएका छन्। मधेस प्रदेशमा धनुषा जिल्लाबाट नागरिक उन्मुक्ति पार्टी, नेपाल सङ्घीय समाजवादी पार्टी, जनमत, लोसपा र राप्रपाबाट भने समानुपातिकतर्फ सांसद चुनिएका छैनन् ।

प्रकाशित मिति / समय : वि.सं.२०७९ मंसिर २६ सोमवार ०७:३२