सुनको मूल्य घट्यो
२३ वर्षीया सुष्मा मिश्र राप्रपाको केन्द्रीय सदस्यमा निर्वाचित
वि.सं.२०७८ मंसिर १९ आइतवार ११:४४
598
shares
shares
काठमाडौँ । राप्रपाको केन्द्रीय सदस्यमा २३ वर्षीया सुष्मा मिश्र निर्वाचित भएकी छन् । उनी खुला महिलातर्फ केन्द्रीय सदस्य पदमा उठेकी थिइन् ।
आज बिहान आएको मत परिणामअनुसार उनले एक हजार दुई सय ८७ मतसहित केन्द्रीय सदस्यमा निर्वाचित भएकी हुन् । उनी बारा क्षेत्र नम्बर ३ को (क) बाट राप्रपा महाधिवेशन प्रतिनिधि थिइन्।
मिश्र कानुनको विद्यार्थी हुन् । उनी राप्रपाको भातृ विद्यार्थी संगठनमा केन्द्रीय उपाध्यक्ष छिन् । उनी राप्रपाको विद्यार्थी संगठनमा पहिले जिल्ला सचिव पनि भएकी थिइन् ।आफू १६ वर्षको उमेरदेखि नै राजनीतिमा सक्रिय भएर लागेको उनले बताइन् ।
उनले पार्टीमा युवा पुस्ता आउनु सकरात्मक पक्ष भएको बताएकी छन्।
पार्टीमा मलाई जिताउनु हुने सबैलाई धन्यबाद । पार्टीमा युवा पुस्ताको आवश्यकता देखिएको छ, उनले भनिन्। ‘गुटभन्दा पनि मेरो जित समग्र राप्रपाकै जित हो,’ उनले भनिन्।
