देउवाका छोरा जयवीरलाई एक साताभित्र बयानका लागि उपस्थित हुन पत्र
२५ वाणिज्य बैंकले घाेषणा गरे पौने ४५ अर्ब लाभांश
वि.सं.२०७८ पुस ५ सोमवार २०:१५
767
shares
shares
काठमाडौं । २५ वाणिज्य बैंकले शेयरधनीलाई पौने ४५ अर्ब रुपैयाँ बराबरको लाभांश घोषणा गरेका छन् । सञ्चालनमा रहेका २७ बैंकमध्ये २ बैंकले लाभांश घोषणा गर्न बाँकी रहँदा लाभांश घोषणा गरेका ती बैंकहरुले ४४ अर्ब ७५ करोड ६१ लाख रुपैयाँ बराबरको कुल लाभांश घोषणा गरेका हुन् ।
घोषित लाभांश मध्ये ३७ अर्ब ७५ करोड ४२ लाख रुपैयाँ बराबरको बोनस शेयर वितरण गर्ने प्रस्ताव गरिएको छ भने बाँकी ७ अर्ब १८ लाख नगद लाभांश दिने घोषणा गरिएको छ । बैंकहरुले घोषणा गरेको उक्त लाभांश औसत १५.०६ प्रतिशत हो । सो मध्ये १२.७० प्रतिशत बोनस शेयर र २.३६ प्रतिशत नगद लाभांश रहेको छ ।
यो वर्ष सबैभन्दा बढी लाभांश दिनेमा नबिल बैंक पहिलो स्थानमा रहँदा सबैभन्दा कम दिनेमा नेपाल एसबीआई बैंक भएको छ । सबैभन्दा धेरै दिनेमा नबिल पछि हिमालयन बैंक, कृषि विकास बैंक अगाडि छन् । नबिल बैंकको ३८ प्रतिशत लाभांश दिने घोषणा गरेको छ भने हिमालयन बैंकले २६ प्रतिशत र कृषि विकास बैंकको २१.०५ प्रतिशत लाभांश घोषणा गरेका छन् । बाँकी २२ बैंकको लाभांश २० प्रतिशत भन्दा कम छ ।
यो वर्ष एकल अंकमा लाभांश दिनेमा ५ वटा बैंक रहेको छ । त्यसमध्ये नेपाल एसबीआई, सेञ्चुरी, सनराइज, एनसीसी र कुमारी बैंक रहेका छन् । नेपाल एसबीआई बैंकको लाभांश सबैभन्दा कम ५.३१ प्रतिशत रहेको छ ।
