संसदमा झण्डै दुई तिहाई तर शासन अध्यादेशबाटै
जनमत पार्टीले अब भैँसी जुलुस निकाल्ने रे
वि.सं.२०७८ पुस २५ आइतवार १२:५५
468
shares
shares
जनकपुरधाम । किसानसँग सरोकारका विषय उठाएर आन्दोलनमा होमिएको जनमत पार्टीले थप दबाब कार्यक्रम घोषणा गरेको छ ।
अध्यक्ष डा। सीके राउतको सचिवालयले सामाजिक सञ्जालमा पुस ३० मा जिल्ला सदरमुकाममा र्यालीको आयोजना गर्ने घोषणा गरेको हो ।
सरकारसँग राखेको ११ बुँदे मागको प्रचार र दबाबस्वरूप र्याली गर्ने राउतले जनाएका छन् ।उच्चस्तरीय समिति गठनका दबाब दिन भैँसी जुलुसको पनि कार्यक्रम राखिएको छ ।
गहुँको बीउ लुटेको आरोपमा सिरहाको औरही गाउँपालिकाले दर्ता गराएको मुद्दा आधारमा प्रहरीले एक किसानलाई पक्राउ गरेपछि जनमत पार्टीले पुस ९ गतेबाट आन्दोलनको घोषणा गरेको थियो । कार्यकर्तामाथि दमन गरेको भन्दै उक्त पार्टीले आन्दोलनलाई निरन्तरता दिएको छ ।
