जनकपुरमा गुठी जग्गामा बसेकाहरूले बालेन सरकारका विरूद्ध प्रदर्शन गर्दै मागे राजिनामा
नोबेल मेडिकल कलेजमा विद्यार्थीविरुद्ध व्यवसायीहरुको प्रदर्शन
वि.सं.२०७८ पुस २५ आइतवार १२:४४
390
shares
shares
विराटनगर । नोबेल मेडिकल कलेजमा विद्यार्थीले गरेको आन्दोलनविरुद्ध व्यवसायीहरुले प्रदर्शन गरेका छन् ।एमबिबिएस अध्ययनका लागि भर्ना भएका विद्यार्थीसँग नोबेल मेडिकल कलेजले चिकित्सा शिक्षा आयोगले तोकेको भन्दा बढी शुल्क माग गरेको भन्दै विद्यार्थीहरु प्रशासनमा तालाबन्दी गरेर आन्दोलनमा छन् । विद्यार्थीको आन्दोलनविरुद्ध आइतबार बिहान व्यवसायीहरूले प्रदर्शन गरेका हुन् ।
पुस दोस्रो सातायता आन्दोलनमा रहेका विद्यार्थीलाई विभिन्न दल निकट विद्यार्थी संगठनहरूले पनि साथ दिएका छन् । एमबिबिएसका विद्यार्थी र विद्यार्थी संगठनहरुले दैनिक प्रदर्शन गरिरहेका छन् । आज बिहान पनि विद्यार्थीहरूले प्रदर्शन गर्ने तयारी गरिरहेका थिए । त्यही बेला व्यवसायीहरूले ‘रोजिरोटी मार्न पाइँदैन, हस्पिटल भित्र आन्दोलन गर्न पाइँदैन’ भन्दै प्रदर्शन गरे । विद्यार्थी संगठनहरुले भने नोबेल प्रशासन विरुद्धको आन्दोलन नोबेलमै हुने बताएका छन् ।
आफ्नो आन्दोलन नोबेल प्रशासनसँग भएको बताउँदै विद्यार्थी संगठनहरुले नोबेल मेडिकल कलेजका सञ्चालक सुनिल शर्माले विद्यार्थीको आन्दोलन विथोल्न मान्छेहरु खटाएको आरोप लगाए । अनेरास्ववियूका नेता नविन पहाडीले विद्यार्थीको जायज माग सम्बोधनका लागि अस्पताल केन्द्रित आन्दोलन गरिरहेको बताए ।
