मन्त्रिपरिषद बैठक बस्दै
गृहसचिव रामेश्वर दंगालको ७७ ओटै सीडीओलाई विभिन्न ११ शीर्षकमा ७ पेज लामो निर्देशन
वि.सं.२०८२ कात्तिक २ आइतवार १८:२०
806
shares
shares
काठमाडौँ । गृहसचिव रामेश्वर दंगालले ७७ ओटै प्रमुख जिल्ला अधिकारी(सीडीओ)लाई विभिन्न ११ शीर्षकमा ७ पेज लामो निर्देशन दिएका छन् ।
सचिव दंगालले आइतबार सचिवस्तरीय निर्णय गर्दै जिल्लामा शान्ति सुरक्षा तथा अपराध नियन्त्रण, सुशासन, नियमन, समन्वय र सार्वजनिक सेवा प्रवाहमा सहजीकरण गर्नुपर्ने लगायत व्यक्तिगत आचरण समेतका विषयमा सजगताका साथ सक्रियतापूर्वक भूमिका निर्वाह गरी सरकारप्रति नागरिकको भरोसा र विश्वास जागृत एवं अभिवृद्धि गराउन भन्दै निर्देशन दिएका हुन् ।सचिव दंगालले शान्ति सुरक्षा शीर्षकमा ९ बुँदामा, अपराध नियन्त्रण शीर्षकमा ३ बुँदामा, निर्वाचन सम्बन्धमा ५ बुँदामा निर्देशन दिएका छन् ।
त्यस्तै सुशासन र प्रभावकारी सेवा प्रवाह शीर्षकमा १० बुँदामा, विकास व्यवस्थापन सम्बन्धमा एक बुँदामा र कारागार प्रशासन शीर्षकमा ३ बुँदामा, विपद् व्यवस्थापन शीर्षकमा ३ बुँदामा निर्देशन दिएका छन् ।त्यस्तै आपूर्ति व्यवस्थापन सन्दर्भमा ३२ बुँदामा, अनुगमन निरीक्षक सम्बन्धमा ७ बुँदामा, कार्यक्रममा सहभागिता एवं व्यवस्थापन सन्दर्भमा १० बुँदामा र विविध शीर्षकमा ८ बुँदामा निर्देशन दिएका छन् ।
सचिवस्तरीय निर्णयको निर्देशन उपसचिव रविन्द्र आचार्यले सबै प्रमुख जिल्ला अधिकारीलाई पठाएका हुन् ।
