बालेन सरकारले ल्याएको अध्यादेशप्रति नेपाली काँग्रेसको आपति
सुदूरपश्चि बन्यो एनपीएलको दोस्रो सिजनमा प्लेअफमा पुग्ने पहिलो टोली
वि.सं.२०८२ मंसिर १३ शनिवार २०:०५
806
shares
shares
काठमाडौं, १३ मंसिर । सुदूरपश्चिम रोयल्स जारी नेपाल प्रिमियर लिग (एनपीएल)को दोस्रो सिजनमा प्लेअफ पुग्ने पहिलो टोली बनेको छ ।
शनिबार त्रिवि क्रिकेट मैदानमा भएको दोस्रो खेलमा साविक विजेता जनकपुर बोल्ट्सलाई ६ विकेटले पराजित गर्दै सुदूरपश्चिम अपराजित रहेर प्लेअफमा पुगेको हो ।जनकपुरले दिएको १४६ रनको लक्ष्य सुदूरपश्चिमले १७.४ ओभरमा ४ विकेट गुमाउँदै पूरा गर्यो । यसअघि टस जितेर पहिला ब्याटिङ गरेको जनकपुरले निर्धारित २० ओभारमा ८ विकेट गुमाउँदै १४५ रन बनाएको थियो ।
साविक विजेता जनकपुरको यो चौथो हार हो । जारी सिजनमा कुनैपनि खेल नजितेको जनकपुर अंक तालिकाको पुछारमा छ ।पहिलो खेलमा काठमाडौं गोर्खाजसँग ५ विकेटले हारेको जनकपुरले दोस्रो खेलमा विराटनगरसँग ९ र तेस्रो खेलमा पोखरा एभेन्जर्ससँग २५ रनले हार बेहोरेको थियो ।
