Abhiyan Weekly

प्रधानमन्त्री बालेन र चिनियाँ राजदूत झाङबीच भेटवार्ता, के भयो कुराकानी ? प्रधानमन्त्री साह र भारतीय राजदूतबीच भेट वार्ता, के भयो कुराकानी ? ५५ दिनको अवधिमा जापानी इन्सेफलाइटिसबाट देशभर ९ जनाको निधन प्रतिनिधिसभाको बैठकमा विपक्षीहरूले उठेर विरोध गरे सुनको मूल्य प्रतितोला ३ लाख १ हजार ५ सय रुपैयाँ देशका विभिन्न भागमा यातायात प्रभावित, कुन-कुन राजमार्गमा अवरोध छ ? इरान – अमेरिका बीचको तनावकाकारण कच्चा तेलको मूल्य फेरी बढ्यो देउवा पक्षलाई समेटेर महाधिवेशन गर्न तयार छु तर तर्साएर तर्सिन्न : सभपति थापा पूर्वमन्त्री जोशी अब जेल बस्नु नपर्ने यस्तो छ आज सोमवारका लागि तोकिएको विदेशी मुद्राको विनिमय दर आज प्रतिनिधिसभाको बैठक बस्दै, ४ वटा विधेयक प्रस्तुत हने देशभरी मनसुनी वायुको प्रभाव : आज सोमवार यी प्रदेशमा भारी बर्षाको सम्भावना

नेपाली कांग्रेसको राष्ट्रियसभाको अधिवेशन आह्वान गर्न माग

Abhiyan Weekly

वि.सं.२०८२ पुस १० बिहीवार १७:००

2.03K
shares

काठमाडौँ । नेपाली कांग्रेसले राष्ट्रियसभाको अधिवेशन आह्वान गर्न माग गरेको छ ।

बिहीबार सिंहदरबारस्थित पार्टीको संसदीय दलको कार्यालयमा बसेको बैठकले राष्ट्रियसभाको अधिवेशन आह्वान गर्न सम्बन्धित निकायसँग माग गर्न अध्यक्ष नारायणप्रसाद दाहाललाई आग्रह गर्ने निर्णय गरेको हो ।

दलका नेता कृष्णप्रसाद सिटौलाको अध्यक्षतामा बसेको बैठकको निर्णयमा लेखिएको छ, ‘देशमा बदलिएको राजनीतिक विषम परिस्थितिमा असंवैधानिक ढङ्गबाट प्रतिनिधिसभा विघटन भएको अवस्थामा जनताका आवाजहरू उठाउने सार्वभौम सङ्घीय संसद् अन्तर्गत राष्ट्रियसभा मात्र कायम रहेको हुँदा राष्ट्रियसभाको बैठक बस्न आवश्यक भएकोले अविलम्ब राष्ट्रिय सभाको अधिवेशन आह्वान गर्न सम्माननीय अध्यक्षज्यूलाई सम्बन्धित निकायसँग माग गर्न अनुरोध गर्ने यो बैठक निर्णय गर्दछ ।’

त्यस्तै, बैठकले पूर्व राज्यमन्त्री एवं संविधानसभा सदस्य गणेशबहादुर खड्का, पूर्व उद्योगमन्त्री एवं नेपाली कांग्रेसका पूर्व केन्द्रीय सदस्य ढुण्डिराज शास्त्री, नेपाली कांग्रेस बागलुङका पूर्व जिल्ला सभापति एवं नेपाली कांग्रेस ज्येष्ठ राजनीतिज्ञ सभाका पूर्व सदस्य गोविन्दप्रसाद शर्मा कँडेल, संविधानसभा सदस्य माननीय रामअयोध्याप्रसाद यादव, वरिष्ठ राजनीतिज्ञ एवं पूर्वमन्त्री अच्युतराज रेग्मी, पूर्व स्वास्थ्य राज्यमन्त्री एवं संविधानसभा सदस्य माननीय खड्गबहादुर बस्याल,नेपाली कांग्रेसका पूर्वकेन्द्रीय सदस्य एवं पूर्वमन्त्री ऋषिकेश गौतम, नेपाली कांग्रेसका पूर्व केन्द्रीय सदस्य एवं पूर्व मन्त्री मोहम्मद आफ्ताव आलम, राष्ट्रियसभाका पूर्व सदस्य एवं नेपाल महिला सङ्घ चितवनकी पूर्व अध्यक्ष प्रजातन्त्र सेनानी कृष्णकुमारी श्रेष्ठ र नेपाली कांग्रेसका पूर्व केन्द्रीय सदस्य एवं पूर्वमन्त्री आमोदप्रसाद उपाध्यायको निधनप्रति गहिरो दुःख व्यक्त गर्दै श्रद्धाञ्जली अर्पण गर्ने निर्णय गरेको प्रमुख सचेतक कृष्णबहादुर रोकायले जारी गरेको विज्ञप्तिमा उल्लेख छ ।

प्रकाशित मिति / समय : वि.सं.२०८२ पुस १० बिहीवार १७:००