सबैको सहमतिमा मात्र संविधान संशोधन हुनुपर्दछ

प्रधानमन्त्री बालेन साह नेतृत्वको सरकारले गत चैत्र १६ गते आफ्नै सल्लाकार असिन साहको...

Abhiyan Weekly

आज शुक्रवार एकै दिनमा सुनको मूल्य १० हजार ५०० ले घट्यो, आज कतिमा हुदैछ कारोवार... धानको उत्पादन बढाउन नेपाललाई झण्डै २ अर्वको अनुदान सहोयोग अमेरिकाले इरानमाथि लगाउँदै आएको सामुद्रीक नाकाबन्दी हटायो कस्तो रहला आजको मौसम : यी प्रदेशका पहाडी भू- भागमा हल्का बर्षाको सम्भावना आजदेखी राष्ट्रिय परिचय पत्र आफैले डाउनलोड गर्न मिल्ने यस्तो छ आज शुक्रवारका लागि तोकिएको विदेशी मुद्राको विनिमय दर प्रतिनिधिसभाबाट बजेट पारित कस्तो रहला आज बिहिवारको मौसम : यी प्रदेशहरूमा हल्का वर्षाको सम्भावना दीपक भट्ट र शुलभ अग्रवाल जेल चलान यस्तो छ आज बिहिवारका लागि तोकिएको विदेशी मुद्राको विनिमय दर अमेरिकी राष्ट्रपति ट्रम्पको इरानलाई चेतावनी सर्त स्वीकार नगरे फेरी बमवारी सुरू गर्छौ डिआर कंगोले पोर्चुगललाई १-१ को बराबरीमा रोक्यो

राप्रपाले सबै स्थानीय तहमा उम्मेदवार खडा गर्ने

Abhiyan Weekly

वि.सं.२०७८ माघ २७ बिहीवार १८:१०

572
shares

राष्ट्रिय प्रजातन्त्र पार्टी (राप्रपा)ले आगामी वैशाख ३० गते हुने निर्वाचनका लागि सबै स्थानीय तहमा उम्मेदवार खडा गर्ने निर्णय गरेको छ । बिहीबार पार्टी कार्यालय धुम्बाराहीमा अध्यक्ष राजेन्द्र लिङ्देनको अध्यक्षतामा बसेको पदाधिकारी बैठकले पार्टीको संगठन सुदृढ र क्रियाशील तुल्याउँदै सबै स्थानीय तहमा उमेदवार खडा गर्ने निर्णय भएको प्रवक्ता मोहन श्रेष्ठले जानकारी दिए ।

कमल थापाले पार्टी छाडेपछि बसेको उक्त बैठकमा पार्टीका निवर्तमान अध्यक्षद्वय पशुपतिशमशेर जबरा र डा प्रकाशचन्द्र लोहनीसहित पदाधिकारीहरु र प्रदेश कार्य समितिका अध्यक्षहरूको उपस्थिति रहेको उनको भनाए छ । उनका अनुसार बैठकले स्थानीय तहको निर्वाचनमा पार्टीलाई अत्यधिक सफलता हासिल गर्न महामन्त्री एवं स्थानीय तह निर्वाचन परिचालन समितिका संयोजक भुवन पाठकद्वारा प्रस्तुत स्थानीय तह निर्वाचन विशेष कार्ययोजना बारे छलफल भइ पार्टीको संगठन सुदृढ र क्रियाशील बनाएर चुनाव केन्द्रीय हुने निर्णय गरेको हो ।

पार्टीको नीति, विचार, सिद्धान्त र कार्ययोजना बारे आम जनतालाई जागरुक गराउन देशव्यापी घरदैलो कार्यक्रम सञ्चालन गर्ने पनि बैठकले निर्णय गरेको छ। यस्तै फागुन महिनालाई प्रशिक्षणको महिना बनाउने, पार्टीको केन्द्रीय, प्रदेश र जिल्ला तहमा प्रशिक्षण सञ्चालन गर्ने, जिल्ला कार्यसमिति र स्थानीय तह अन्तर्गतका समितिको सिफारिसमा फागुन मसान्तभित्र उमेदवार छनौट गर्ने लगायतका निर्णय पनि बैठकले गरेको छ ।

यस्तै बैठकले समान विचार भएकाहरुसँग एकता, मोर्चा वा सहकार्यका लागि भइरहेका प्रयासको समीक्षा गर्दै जारी वार्तालाई निरन्तरता दिने निर्णय पनि गरेको श्रेष्ठले जानकारी दिए । यस्तै संवाद शुरु नभएका व्यक्ति, समुह र दलसँग एकता, मोर्चा वा सहकार्यको लागि बैठकले आह्वान पनि गरेको छ । साथै हालसम्म पार्टीमा समावेश भइसकेका र हुने व्यक्ति, समुहलाई सहमति अनुसारको जिम्मेवारी दिइने निर्णय समेत भएको छ ।

राप्रपाले राजसंस्था, हिन्दुराष्ट्रको पुनःस्थापना, संघीयताको खारेजी र सुदृढ स्थानीय तह लगायतका सैद्धान्तिक अवधारणा र कार्यदिशामा अविचलित रहेको पनि पुनः स्पष्ट गरेको छ । ‘यसमा जुनसुकै अवस्थामा समेत कसैसँग सम्झौता हुन सक्दैन भन्ने राप्रपाको प्रष्ट धारणा रहेको छ । यस सम्बन्धमा भ्रममा नपर्न राप्रपा सबैमा अनुरोध गर्दछ’, बैठकपछि जारी विज्ञप्तिमा भनिएको छ ।

यस्तै पार्टीलाई अनुशासित, मर्यादित बनाउन र पार्टी हित विपरीतका गतिविधिलाई निरुत्साहित गर्न वरिष्ठ नेता नवराज सुवेदीको संयोजकत्वमा प्रवक्ता भक्ति प्रसाद सिटौला र वरिष्ठ अधिवक्ता राजु बस्नेत सदस्य रहेको ३ सदस्यीय केन्द्रीय अनुशासन समिति गठन गरिएको पनि विज्ञप्तिमा उल्लेख छ ।

पार्टीको केन्द्रीय कार्यसमितिको बैठक फागुन ११ गते बुधबारका लागि बोलाउने निर्णय समेत बैठकले गरेको छ।

प्रकाशित मिति / समय : वि.सं.२०७८ माघ २७ बिहीवार १८:१०