आजदेखी देशभरकै म्यानपावर कम्पनीहरू पूर्णरूपमा बन्द, श्रमिक पठाउने कार्य ठप्प
आज आइतवार पनि आयल निगमले काठमाडौका यी ७ स्थानबाट ग्यास बिक्रि गर्ने
वि.सं.२०८३ साउन ३१ आइतवार ०८:४९
247
shares
shares
नेपाल आयल निगमले आज (आइतबार) पनि काठमाडौँका ७ स्थानबाट खाना पकाउने एलपी ग्यास बिक्री–वितरण गर्ने भएको छ।
निगमले जारी गरेको सूचनाअनुसार आज टेकु परिसरबाट नेपाल, एचपी, एभरेस्ट, सुगम, श्रीराम र सागर ब्रान्डका ग्यास बिक्री गरिनेछ।त्यस्तै बुढानिलकण्ठस्थित पशु सेवा शाखा, चापलीबाट नेपाल, एचपी र भानु ब्रान्डका ग्यास बिक्री गरिनेछ।
अनि कीर्तिपुरस्थित राधास्वामी परिसरबाट नेपाल, एचपी, एभरेस्ट, सुगम, श्रीकृष्ण, साइबाबा र श्रीमाया ब्रान्डका ग्यास बिक्री गरिनेछ।यसैगरी नयाँ बजारस्थित जुडो हल परिसरबाट नेपाल, एचपी र ओम, नयाँ बानेश्वर होटल परिसरबाट नेपाल, एचपी र ओम, बबरमहलस्थित पुरानो जिल्ला प्रशासन कार्यालय परिसरबाट नेपाल र एचपी ब्रान्डका ग्यास बिक्री गरिनेछ।
चन्द्रागिरि नगरपालिका कार्यालयबाट लोकप्रिय, नेपाल, एचपी र श्रीमाया तथा कीर्तिपुरस्थित राष्ट्रिय आयुर्वेद केन्द्रबाट नेपाल, एचपी, सूर्य, एभरेस्ट, सुगम र एसटीसी ब्रान्डका ग्यास बिक्री–वितरण गरिने निगमले जनाएको छ।निगमले एलपी ग्यासको आयात नियमित रूपमा भइरहेको दाबी गरेको छ।
बिक्री–वितरणलाई सहज बनाउन सम्बन्धित व्यवसायीलाई आफ्ना विक्रेतामार्फत नियमित रूपमा ग्यास बिक्री गर्नसमेत अनुरोध गरेको छ।साथै, कुनै कारणले ग्यास प्राप्त गर्न नसकेका उपभोक्ताले नागरिकता वा राष्ट्रिय परिचयपत्रका आधारमा नजिकको बिक्री केन्द्रबाट ग्यास खरिद गर्न सक्ने व्यवस्था गरिएको निगमले जनाएको छ।
