आज शुक्रवार एकै दिनमा सुनको मूल्य १० हजार ५०० ले घट्यो, आज कतिमा हुदैछ कारोवार...
शेयर बजार सामान्य अंकले बढेर २,७०० दशमलव ९८ को विन्दुमा
वि.सं.२०७८ फागुन २ सोमवार १५:२३
663
shares
shares
आज शेयर बजार सामान्य अंक ० दशमलव ०८ अंकले बढेर २,७०० दशमलव ९८ को विन्दुमा कायम भएको छ । आज १११ वटा कम्पनीको शेयर मुल्य बढेको छ भने ६९ वटा कम्पनीको शेयर मुल्य मुल्य घटेको छ । आज बैंकिङ,ट्रेडिङ, निर्जीवन बीमा, उत्पादनमुलक र म्युचुअल फण्ड उपसूचक घटेका छन् ।
आज दिनभरिमा २२७ वटा कम्पनीको ७५ करोड ४९ हजार ७७९ कित्ता शेयर किनबेच हुँदा ३ अर्ब ६८ करोड ४० लाख रुपैयाँको शेयर कारोबार भएको छ । आज सबैभन्दा धेरै नेशनल हाइड्रोपावर कम्पनीको शेयर कारोबार भएको छ । कम्पनीको ५४ करोड ४९ लाख रुपैयाँको शेयर कारोबार भएको छ । कम्पनीको शेयर मुल्य ४३१ रुपैयाँ कायम भएको छ ।
त्यस्तै, नेपाल टेलिकमको १७ करोड ७ लाख रुपैयाँको शेयर कारोबार भएको छ । अरुण भ्याली हाइड्रोपावर कम्पनीको १५ करोड २३ लाख रुपैयाँको शेयर कारोबार भएको छ । अपि पावर कम्पनीको ११ करोड ५८ लाख रुपैयाँको शेयर कारोबार भएको छ ।
त्यसैगरी आज सबैभन्दा धेरै बुद्धभुमि नेपाल हाइड्रोपावर कम्पनीका लगानीकर्ताले कमाएका छन् । कम्पनीका लगानीकर्ताले ८ दशमलव १३ प्रतिशतका दरले कमाएका हुन् । सपोर्ट माइक्रोफाइनान्स कम्पनीका लगानीकर्ताले ४ दशमलव ७२ प्रशिततका दरले कमाएका छन् । नेशनल हाइड्रोपावर कम्पनीका लगानकिर्ताले ४ दशमलव २८ प्रतिशतका दरले कमाएका छन्।
आज सबैभन्दा धेरै मैलुङ खोला जलविद्युत कम्पनीका लगानीकर्ताले गुमाएका छन् । कम्पनीका लगानीकर्ताले ३ दशमलव ८५ प्रतिशतका दरले गुमाएका हुन् ।
