काठमाडौं । नेपाल स्टक एक्स्चेन्जमा आधिकारिक ट्रेड युनियन गठन भएको छ । आधिकारिक ट्रेड युनियनको रुपमा नेप्से कर्मचारी संघ गठन भएको हो ।
कार्यरत कर्मचारीको भेलाले आधिकारिक रुपमा कर्मचारी संघ गठन गर्ने निर्णय अनुसार चैत १६ गतेका दिन नेप्से कर्मचारी संघ दर्ता भएको अध्यक्ष नवराज थापाले जानकारी दिए ।
थापाको अध्यक्षतामा गठन भएको संघमा हाल ७ सदस्य छन् । उपाध्यक्षमा मना भुसाल, सचिवमा रेशमप्रसाद लामिछाने, कोषाध्यक्षमा सावित्रा केसी, सदस्यहरुमा आकृति दंगाल, नितुकुमारी यादव र कृपा श्रेष्ठ छन् ।
