निजिक्षेत्रका संञ्चारमाध्यमलाई सरकारी विज्ञापन नदिने सरकारको निर्णय विरूद्धको रिटमा सक्कल निर्णय झिकाउने आदेश, सोमवार फेरि...
संघीय संसद प्रतिनिधिसभाको कार्यव्यवस्था परामर्श समितिको बैठकमा प्रमुख विपक्षी नेकपा एमाले अनुपस्थित
वि.सं.२०७९ जेठ ३ मंगलवार १५:४६
663
shares
shares
काठमाडौं ।संघीय संसद प्रतिनिधिसभाको कार्यव्यवस्था परामर्श समितिको बैठकमा प्रमुख विपक्षी नेकपा एमाले अनुपस्थित भएको छ । बजेट अधिवेशनको पहिलो दिन सभामुख अग्नि प्रसाद सापकोटाले संसद भवनमै कार्यव्यवस्था परामर्श समितिको बैठक राखेको थिए । तर, उक्त बैठकमा एमाले सहभागी नभएको हो ।
संघीय संसद सचिवालयका अनुसार कार्यव्यवस्था परामर्श समितिको बैठक बानेश्वर स्थित संघीय संसद भवनको शंकर हलमा जारी छ । एमालेले यसअघि पनि कार्यव्यवस्था परामर्श समितिको बैठक बहिष्कार गर्दै आएको थियो । एमालेले २३ भदौ २०७८ देखि संसदमा निरन्तर अवरोध गर्दै आएको छ । पार्टी विभाजनमा सभामुख सापकोटाको समेत भूमिका रहेको आरोप लगाउँदै एमालेले सभामुखले नै निकास दिनुपर्ने माग राख्दै आएको छ ।
माधव नेपाल सहित १४ जना सांसदलाई पार्टीले गरेको कारबाही सम्बन्धी सूचना टाास गर्नुपर्ने एमालेको माग छ । सांसदलाई कारबाही गरेको सूचना नटाँसे सभामुखले राजीनामा दिनुपर्ने एमालेको शर्त छ । एमालेका यी दुवै माग पूरा नहुँदा एमालेले संसदमा अवरोध गर्दै आएको छ ।
एमालेले हाल सम्म एमाले फुटेर बनेको नेकपा एकीकृत समाजवादी पार्टीको अस्तित्व स्वीकार गरेको छैन । एकीकृत समाजवादी पार्टीको अस्त्वि माथि प्रश्न उठाउँदै एमालेले उक्त पार्टीका सांसदलाई गैर सांसदको संज्ञा दिएर नारावाजी गर्दै आएको छ । तर, माधव नेपाल नेतृत्वको एकीकृत समाजवादी पार्टी निर्वाचन आयोगमा दर्ता भएको ९ महिना भैसक्यो । पार्टीले स्थानीय तहको चुनावमा भाग लिइसकेको छ।
एकीकृत समाजवादीका प्रतिनिधिलाई मतदाताले पनि कतिपय ठाउँमा जिताइसकेका छन् । तर, एमालेले पार्टीकै अस्तित्व अस्वीकार गर्दै संघीय संसदमा अवरोध गर्दै आएको छ ।
