निलम्बित सांसद शर्मालाई जन्मकैदको सजाय पाएका उच्चले तोक्यो ५ वर्ष कैद
पाकिस्तान सँग पर्वतारोहण लगायत हिमाली पर्यटन क्षेत्रमा सहकार्य गर्न सकिन्छ : राजदूत अधिकारी
वि.सं.२०७९ जेठ १७ मंगलवार १७:२९
546
shares
shares
काठमाडौं ।पाकिस्तानका लागि नेपाली राजदूत तपस अधिकारीले दुई देश बीच पर्वतारोहण लगायत हिमाली पर्यटनका क्षेत्रमा सहकार्य गर्न सकिने बताएका छन् ।
सगरमाथा दिवसको अवसरमा मंगलबार पाकिस्तानको राजधानी इस्लामावादमा आयोजित कार्यक्रमलाई सम्बोधन गर्दै राजदूत अधिकारीले दुई देशमा विश्वका अग्ला सगरमाथा र के टू हिमालहरू रहेको र वर्ततारोहीहरूले आरोहण गरेर ख्याति कमाउने गरेको बताए ।
सन् १९५३, मे २९ मा तेन्जिङ शेर्पा र एडमन्ड हिलारीले पहिलोपटक सगरमाथा आरोहण गरेको सम्झनामा इस्लामावाद स्थित नेपाली राजदूतावासले विशेष कार्यक्रम आयोजना गरेको थियो । कार्यक्रममा राजदूत अधिकारीले गत १६ मेमा सगरमाथा आरोहण गरेका पाकिस्तानी आरोही अब्दुल जोशीलाई बधाई समेत दिएका थिए ।
अब्दुलको सगरमाथा आरोहणले धेरै युवा पाकिस्तानीहरूलाई पर्वतारोहण र साहसिक पर्यटनका लागि प्रेरित गर्ने तथा दई देशका नागरिक बीचको सम्बन्ध थप विस्तार हुने विश्वास व्यक्त गरे । राजदूत अधिकारीले जलवायु परिवर्तनका कारण हिमालमा परेको असरलाई उजागर गरेर समस्या समाधान लागि सामूहिक रूपमा प्रयत्न गर्नुपर्ने बताए । कार्यक्रममा पाकिस्तानी आरोही अब्दुलले आरोहणको अनुभव सुनाएका थिए । उनले ट्रेकिङ र पर्यटनका क्षेत्रमा नेपाल र पाकिस्तान बीच कयौं समानता रहेको बताए ।
