नारायणीमा पानीको सतह अहिले सम्मकै उच्च, दर्जनौ बस्ती डुवानमा
एमालेको सचिवालय बैठक आज, समानुपातिक तर्फका उम्मेदवारहरुको टुंगो लगाउने
वि.सं.२०७९ मंसिर २४ शनिवार ०७:५५
689
shares
shares
काठमाडौं ।नेकपा एमालेको सचिवालय बैठक आज बस्ने भएको छ । पार्टी कार्यालय च्यासलमा बिहान ११ बजे बस्ने बैठकले समानुपातिक सांसद चयन गर्नेछ । एमाले प्रचार विभाग प्रमुख पृथ्वीसुब्बा गुरुङले समसामयिक राजनीतिक विषयवस्तुमा छलफल गर्न बैठक डाकिएको बताए । उनकाअनुसार बैठकमा समानुपातिक तर्फका सांसदको छनोट, निर्वाचन समीक्षा लगायतका विषयमा छलफल हुनेछ।
एमालेले प्रतिनिधिसभामा प्रत्यक्षतर्फ ४४ र समानुपातिकमा ३४ सिट जितेको छ । समानुपातिक तर्फ जितेका ३४ सिटमा समावेशी सिद्धान्तअनुसार मिल्ने गरी सांसद चयन गर्ने पार्टीको तयारी छ । निर्वाचन आयोगले बुधबार राजनीतिक दललाई पत्र पठाउँदै समानुपातिक तर्फको सांसदको नाम तीन दिनभित्र दलहरूलाई आग्रह गरेको छ।
