युद्ध अन्त्यका लागि अमेरिका र इरानबीच १४ बुँदे सम्झदारीको तयारी, युद्ध अन्त्य हुने संकेत
कर्णाली प्रदेशमा कारोेना भन्दा आत्महत्याको मृत्युदर बढ्दो
वि.सं.२०७८ भदौ २९ मंगलवार १५:४३
559
shares
shares
काठमाडौँ । कर्णाली प्रदेशमा कारोेना भन्दा आत्महत्या बढी रहेको अवस्था रहेको छ । कर्णालीमा बर्सेनि सयौँ व्यक्तिले चरम गरिबी, घरेलु हिंसा र मानसिक समस्याका कारण आत्महत्याको बाटो रोज्ने गरेका छन् । कर्णाली प्रदेश प्रहरी कार्यालयको तथ्याङ्क अनुसार विगत ५ वर्षको अवधिमा प्रदेशमा एक हजार ३६२ जनाले आत्महत्या गरेका छन् ।
तीमध्ये २८५ जनाले झुण्डिएर आत्महत्या गरेका छन् । त्यस्तै ७० जनाले विष सेवन, एक जनाले हातहतियार प्रयोग गरेर र ६ जनाले नदीमा हामफालेर आत्महत्या गरेको प्रहरीको तथ्याङ्क छ । विगत पाँच वर्षको तथ्याङ्क हेर्दा १३३ जना बालबालिकाले आत्महत्या गरेका छन् । जसमध्ये विगत एक वर्ष (०७७–७८) मा मात्रै ४७ जना बालबालिकाले आत्महत्याको बाटो रोजेका छन् ।
कर्णालीमा विगत एक आर्थिक वर्षमा ३६२ जनाले विभिन्न कारण आत्महत्याको बाटो रोजेका छन् । प्रदेश प्रहरी कार्यालयले उपलब्ध गराएको तथ्याङ्क अनुसार आर्थिक वर्ष २०७७–७८ अथवा हालसम्मको अवधिसम्म आईपुग्दा ३६२ जनाले आत्महत्या गरेका छन् । जुन यसअघिको आर्थिक वर्षको तुलनामा एकदमै बढी रहेको छ ।
