मेरो हत्याको प्रयास भएमा अहिले सम्मकै ठुलो आक्रमण गर्न आदेश दिईसकेको छु: अमेरिकी राष्ट्रपति ट्रम्प
राष्ट्रिय च्याम्पियन रशिला महर्जनले बनाईन विश्व रेर्कड
वि.सं.२०७८ माघ १२ बुधवार १२:३०
598
shares
shares
काठमाडौं । राष्ट्रिय च्याम्पियन रशिला महर्जन विश्व ब्याडमिन्टन महासंघले हालै प्रकाशित गरेको विश्व वरीयतामा जुनियर महिला युगलतर्फ सातौं स्थानमा पुग्न सफल भएकी छिन् ।जुनियर महिला एकलतर्फ १९ औं स्थानमा रहेकी रशिला विश्व महिला जुनियरतर्फ उच्च स्थानमा पुगेकी पहिलो नेपाली महिला खेलाडी हुन् ।
नेपाल ब्याडमिन्टन संघले प्रेस विज्ञप्ति जारी गर्दै महर्जनलाई विश्व ब्याडमिन्टनको महिला जुनियर तर्फ उच्च स्थानमा पुग्दै नेपाल राष्ट्र, खेलकुद क्षेत्र र नेपाली व्याडमिन्टनको शान, मानलाई उच्च राख्न सफल भएकोमा बधाई ज्ञापन गर्दै आगामी दिनमा सफलताको कामना गरेको छ ।
साथै संघले नेपाली ब्याडमिन्टन खेलाडीहरुले एक पछि अर्को उचाइलाई छुन सफल भएकोमा खुसी जनाएको छ । महासंघले यसअघि नेपालका अर्का उदीयमान खेलाडी प्रिन्स दाहाल पुरुष जुनियर एकलतर्फ पहिलो नम्बरमा परेको सार्वजनिक गरिसकेको छ ।
