Abhiyan Weekly

यस्तो छ आज शुक्रवारका लागि तोकिएको विदेशी मुद्राको विनिमय दर कस्तो रहला आज शुक्रवारको मौसम : यी प्रदेशमा मेघगर्जन सहित वर्षाको सम्भावना इरानमाथि थप आक्रमण गर्नबाट पछि हटे ट्रम्प विश्वकप उदधाटन खेलमा मेक्सिकको सहज जित , तिन खेलाडीले पाए रातोकार्ड राष्ट्रियता, सीमाना र स्वाधीनताको रक्षा मानवअधिकार आयोगको सिफारिस अनुसन्धान गर ! यसकारण अध्यादेश अघि नबढाउने सरकारको रणनीति प्रधानमन्त्री बालेनमाथि संकट थपिँदै कष्टकर जीवन विताउन सुकुम्बासी बाध्य, सरकारले आफ्नो बचन पूरा गरेन ! राष्ट्रिय मानवअधिकार आयोगले नै भूतप्रभावी कानुन बनाएर कारबाही गर भन्नुको अर्थ के ? रवि र बालेनले खोजेको परिवर्तन कस्तो हो ? यस्तो छ आज बिहीबारका लागि तोकिएको विदेशी मुद्राको विनिमय दर

विश्वकप उदधाटन खेलमा मेक्सिकको सहज जित , तिन खेलाडीले पाए रातोकार्ड

Abhiyan Weekly

वि.सं.२०८३ जेठ २९ शुक्रवार १३:१०

299
shares

काठमाडौं। सह–आयोजक मेक्सिकोले फिफा विश्वकप २०२६ को उद्घाटन खेलमा दक्षिण अफ्रिकालाई २–० ले पराजित गर्दै प्रतियोगिताको सुखद सुरुआत गरेको छ। खेलमा कुल तीन खेलाडीले रातो कार्ड पाएका थिए।

उत्कृष्ट प्रदर्शन गरेका जुलियन क्विन्योनेसले ९ औं मिनेटमा प्रतियोगिताको पहिलो गोल गर्दै मेक्सिकोलाई अग्रता दिलाए। उनले पहिलो हाफमै अर्को गोल गर्ने अवसर पनि सिर्जना गरेका थिए।यता, दोस्रो हाफ अन्तर्गत ५० औं मिनेटमा दक्षिण अफ्रिकाका याया सिथोलेले ब्रायन गुटिएरेजलाई फल गरेपछि रातो कार्ड पाए।त्यसपछि मेक्सिकोका अनुभवी स्ट्राइकर राउल जिमेनेजले ६७ औं मिनेटमा दोस्रो गोल गर्दै टोलीको जित सुनिश्चित गरे।

दक्षिण अफ्रिकाका थेम्बा ज्वानेलाई हिंसात्मक व्यवहारका कारण ८४ औं मिनेटमा मैदानबाट बाहिर पठाइएपछि टोली थप दबाबमा आयो भने टोली ९ खेलाडीमा समेटियो।तर रातो कार्ड पाउने अन्तिम खेलाडी उनी मात्र थिएनन्। इन्जुरी समयमा मेक्सिकोका डिफेन्डर सेजार मोन्टेसले पनि लापरवाहीपूर्ण ट्याकल गरेपछि उनले पनि रातो कार्ड पाए।विश्वकपको उद्घाटन खेलमै तीन खेलाडीले रातो कार्ड पाएपछि प्रतियोगिता अस्वाभाविक र विवादास्पद सुरुआतजस्तै देखिएको छ।

जितसँगै मेक्सिकोले तीन अंक जोडेको छ। यसै समूहको अर्को खेलमा बिहान ७ः४५ बजे दक्षिण कोरिया र चेक रिपब्लिकले प्रतिस्पर्धा गर्दैछन्।

प्रकाशित मिति / समय : वि.सं.२०८३ जेठ २९ शुक्रवार १३:१०