कर्मचारीलाई १५ दिनमै तलब दिन सुरू
कुन बैंकले कति दिन्छन ब्याजदर, हेर्नुहोस
वि.सं.२०७८ फागुन १ आइतवार १८:५७
533
shares
shares
नेपाल बैंकर्स संघको निर्णय अनुसार वाणिज्य बैंकले आजदेखि नयाँ व्याजदर लागू गरेका छन् । बैंकर्स संघले गत शुक्रबार नै फागुन १ गतेदेखि निक्षेपको ब्याजदर वृद्धि गर्ने निर्यण गरेका थिए ।
सोही निर्यण अनुसार आजदेखि २७ वटा नै वाणिज्य बैंकले निक्षेपको व्याजदर वृद्धि गरेका हुन् । २७ वटा बैंकमध्ये २६ वटा बैंक एउटै व्याजदर तोकेका छन् भने स्ट्याण्डर्ड चार्टर बैंकले भने फरक व्याजदर कायम गरेको छ ।
२६ वाणिज्य बैंकले आजदेखि व्यक्तिगत मुद्दतीको ११.०३ प्रतिशत र संस्थागतमा १०.०३ नयाँ ब्याजदर लागू गरेका छन् । रेमिट्यान्स मुद्दतिमा भने १२.०३ प्रतिशत कायम भएको छ । यसभन्दा पहिले मुद्दतिमा १०.०३ प्रतिशत व्याजदर हरेको थियो ।
२६ वटा बैंकहरुले व्यक्तिगत मुद्दतिमा ११.०३ प्रतिशत व्याजदर पुर्याउदा स्ट्याण्डर्ड चार्टर्ड बैंकले भने ९.५ प्रतिशत नै राखेको छ । सो बैंकले संस्थागतमा ८.५ प्रतिशत व्याजदर कायम गरेको हो । पुस महिनामा वाणिज्य बैंकलाई व्याजदर वृद्धि गर्ने बाटो खुलेको थियो । निक्षेप संकलन भएको भन्दै बैंकहरुले मुद्दतिको व्याजदर वृद्धि गरेका थिएनन् ।
