माओबादी पार्टी दाहाल एण्ड कंम्पनीमा परिणत
वि.सं.२०७९ असार २३ बिहीवार १७:२६
shares

काठमाडौँ। नेकपा (माओवादी केन्द्र)का अध्यक्ष पुष्पकमल दाहाल प्रचण्डले पोलिटब्यूरो सदस्यमा आफ्नै परिवारका चार जनाको नाम समावेश गरेपछि चर्को विरोध भएको छ ।बिहीबार प्रज्ञा भवनमा जारी केन्द्रीय कमिटीको बैठकमा अध्यक्ष प्रचण्डले पेश गरेको पोलिटब्यूरो सदस्यहरुको नाममा केन्द्रीय सदस्यहरुले नै आपत्ति जनाएका हुन् ।
नाम मापदण्ड विना आएको भन्दै हल बाट विरोध भएको हो । विरोधका कारण केही बेर बैठक अवरुद्ध भयो । सहभागीहरुले विशेष गरी मधेश प्रदेशलाई उपेक्षा गरिएको आरोप लगाएका छन् । पोलिटब्यूरो सदस्यमा प्रचण्ड सहित छोरी रेनु दाहाल, बुहारी वीना मगर र भाइ नारायण दाहाल पोलिटव्युरो सदस्य बनेका छन् ।
केन्द्रीय सदस्यमा भने कान्छी छोरी गंगा दाहाल र ज्वाइँ जीवन भने केन्द्रीय सदस्य बनिसकेका छन् । विवाद भएपछि प्रचण्डले पोलिटब्यूरो सदस्यहरुको अन्तिम नामवली ल्याउन केही समय लाग्ने बताइएको छ ।


































