१३ जना प्रस्तावित मध्येका १० जना प्रस्तावित राजदूतको नाम अनुमोदन
तिब्बतको बाढी पहिरोप्रति चिनियाँ राष्ट्रपतिको विशेष निर्देशन
वि.सं.२०८३ भदौ १० बुधवार १५:०२
676
shares
shares
काठमाडौं। तिब्बतको शिगात्से शहरको केरोङ काउन्टीमा गएको पहिरो प्रकोपप्रति चिनियाँ राष्ट्रपति सीले विशेष निर्देशन दिएका छन् ।
अगस्ट २६ मा बिहान लगभग १०ः३० बजेतिर सिचाङ (तिब्बत) शिगात्से शहरको केरोङ काउन्टीको केरुङ बन्दरगाहमा नेपालतर्फ पहिरो जाँदा ठूलो हताहत भएपछि राष्ट्रपति सीले विशेष निर्देशन दिएका हुन् ।
विपदपछि चिनियाँ कम्युनिष्ट पार्टी केन्द्रीय समितिका महासचिव, चीनका राष्ट्रपति तथा केन्द्रीय सैन्य आयोगका अध्यक्ष सी चिनफिङले परिस्थितिलाई ठूलो महत्त्व दिएर महत्त्वपूर्ण निर्देशनहरू जारी गरेका छन् ।
उनले सबैभन्दा जरुरी कार्यहरू बेपत्ता व्यक्तिहरूको खोजी र उद्धार गर्न, खतरामा परेका मानिसहरूलाई स्थानान्तरण र पुनर्स्थापना गर्न र घाइतेहरूको तुरुन्तै उपचार गरी हताहत कम गर्न सक्दो प्रयास गर्नुपर्ने औंल्याए ।सीले अनुगमन र प्रारम्भिक चेतावनी प्रणालीलाई बलियो बनाउन, वैज्ञानिक उद्धार प्रयासहरूलाई जोड दिन र थप प्रकोपहरू रोक्नुपर्ने आवश्यकतामा पनि जोड दिए ।
सी चिनफिङले जोड दिए, ‘हामी अहिले बाढी रोकथामको लागि एक महत्वपूर्ण समयमा छौं । सबै क्षेत्र र सम्बन्धित विभागहरूले बाढी र आँधीबेहरी रोकथामका उपायहरू इमानदारीपूर्वक लागू गर्नुपर्छ, विभिन्न जोखिम र लुकेका खतराहरूको अनुसन्धान र सुधारलाई बलियो बनाउनुपर्छ, ठूला प्रकोप र दुर्घटनाहरूलाई दृढतापूर्वक रोक्नुपर्छ, र जनताको जीवन र सम्पत्तिको सुरक्षा सुनिश्चित गर्नुपर्छ ।’
